GBCC 2026

БНСУ-ын хөхний хавдрын нийгэмлэгээс жил бүр зохион байгуулагддаг "Дэлхийн хөхний хорт хавдрын" хуралд та бүхнийг өргөнөөр оролцохыг урьж байна.

Дэлхийн Хөхний Хорт Хавдрын Конференц (GBCC) нь Солонгост жил бүр зохион байгуулагддаг, хөхний хорт хавдрын чиглэлийн олон улсын хэмжээний томоохон хурал юм. Энэхүү хурал анх 2007 онд хоёр жил тутамд зохион байгуулагдах хэлбэрээр эхэлсэн бөгөөд БНСУ-ын Хөхний Хавдрын Нийгэмлэг зохион байгуулж, Солонгосын Хөхний Хавдрын Сан дэмжин оролцдог.

GBCC нь Ази тивийн хамгийн том, нөлөө бүхий хөхний хорт хавдрын конференцүүдийн нэг болж өссөн бөгөөд 2016 оноос эхлэн жил бүр зохион байгуулагдах болсон ба эмч, судлаач, бодлого боловсруулагч, өвчтөн, асран хамгаалагч зэрэг олон талын оролцогчдыг нэгтгэн хөхний хорт хавдрыг оношлох, эмчлэх олон салбарын хамтарсан стратеги боловсруулах, эмэгтэйчүүдийн эрүүл мэндийг дэмжихэд чиглэж ирсэн.

Энэхүү хурал нь хөхний хорт хавдрын талаарх дэлхийн хэмжээний олон нийтийн ойлголтыг нэмэгдүүлэх, өвчний мөн чанар болон эмчилгээний талаарх мэдлэгийг дээшлүүлэх, мөн хөхний хорт хавдартай өвчтөнүүдийн амьдралын чанарыг сайжруулах зорилгоор эрдэмтэн судлаачид, эрүүл мэндийн ажилтнууд, өмгөөллийн байгууллагууд, бодлого боловсруулагчдыг нэгтгэн цуглуулахыг зорьдог.

Энэхүү хуралд Монголын хөхний хавдар судлаач эмч нарын нийгэмлэг болон бусад мэргэжлийн эмч нар идэвхитэй оролцож ирсэн. Нийгэмлэгийн хамтын ажиллагааны хүрээнд гишүүнчлэлтэй бол 20 хувийн хөнгөлөлт эдлэх боломжтой.

Хуралд идэвхитэй оролцохыг урьж байна.